freelance websites, freelancing, starhinditech
Earn Money

freelance websites se online kaise paise kamaye?

Freelancing ek aisa tarika hai jis ki madad se hum bahut hi kam time me earning kar sate hain.Aaj ke time me har koi online earning ke bare me baat karta hai. Par hum ye decide nahi kar pate ki kon sa trika best hai. Jis ki madad se online earning ki ja sake. Lekin Freelance websites apke liye aisa platform ban sakti hain, jinki madad se aap earning kar sakte hain. Meri sabse pahli earning mujhe freelance websites se hi mili thi.

Bahut sari fields me aap freelancing karke acche paise kama sakte ho. Example : Writing, web designing, graphic designing, web development, language translation, etc.

Freelancing kya hai?

Maan lijiye ki aap ek graphic designer hain, or aap logo design karne me expert hain. Ab ek company hai jise apne liye logo design karwana hai. Iske liye wo company aise person ko search karegi jo unke liye logo create kar sake. Agar aap uss company ka logo design karte hain to apko is kaam ke liye company se paise milenge or company ka logo bhi tyar ho jaega. Or is trah se wo company ya person apko short term ke liye hire karta hai.

Lekin jab koi company ya person kisi freelancer ko search karta hai to wo freelancing website par jata hai or apni job offer karta hai.

Freelance websites kaise kaam karti hain?

Freelance website ek aisa platform hota hai, jahan pe freelancer or employer ek dusre se contact karte hain. Jab bhi koi person job post karta hai to, freelancers apne proposal uss job ke liye apply karte hain.  Wo person apne kaam ke liye kisi ek freelancer ko hire karta hai, or kaam pura hone ke baad payment send kar di jati hai.

Waise to online apko bahut sari aise freelance website mil jaengi, likin main apke sath un top website ko share karunga jo main khud use karta hu.

Top Freelancing websites:

#1 Upwork

upwork, freelance websites, starhinditech

Up work ek bahut hi popular platform hai. Aapko yahan par bahut sari category me freelance jobs kar sakte ho. Example :

  • Web, Mobile & Software Development
  • Engineering & Architecture
  • Translation
  • Design & Creative
  • IT & Networking
  • Data Science & Analytics
  • Writing
  • Accounting & Consulting

Apko apni skills se related job search karni hai or apply karna hai. Agar aapka proposal select hota hai to aap work complete karke, paise earn kar sakte hain.

#2 Freelancer

freelancer, freelance websites, starhinditech

Ye website bhi upwork ki trah ki kaam karti hai, agar aap freelancing me beginner hain to main apko ye website recommend karuga. Aap yahan par bhi bahut sari category me job search kar sakte hain.
Example :

  • Websites, IT & Software
  • Design, Media & Architecture
  • Data Entry & Admin
  • Writing & Content
  • Local Jobs & Services
  • Engineering & Science
  • Mobile Phones & Computing

Freelancer website par login hone ke baad apko left side me jobs ke notifications show honge. Jo skills aap apni profile me add karenge usi se related notifications apko iss website par shoe honge. Aap in notification pe click karke apna proposal submit kar sakte hain.

#3 Peopleperhour

peopleperhours, freelance websites, starhinditech

People per hour website ek bahut hi accha platform hai, or agar aap web designing or graphic designing me acche hain to aap is website se kafi acche paise kama sakte hain.

Yahan pe apko ek month me 15 free proposal milte hain. Or jaise jaise aap apne project complete karte hain to apki profile points increase hote hain. Jiske baad aapke paas jobs ke liye invitations aane start ho jate hai. Or iss website pe apko kafi accha payout milta hai.

#4 99designs

99designs, freelance websites, starhinditech

Agar aap graphic designing karte hain to 99designs website ko join kar sakte hain. 99designs website pe ap ek design ke $100 to $250 aasani se kama sakte hain. Designing re related apko yaha par 8 category milti hain.
Example:

  • Logo & Identity
  • Web & app design
  • Business and Advertising
  • Clothing and merchandise
  • Art and Illustration
  • Packaging and Lable
  • Book and Magazine
  • Other

Agar aap graphics designing me expert hain to aapke liye 99 designs website best option hai.

Note: Sabhi freelance websites par Job start karne se pahle Milstone ke liye employer ko jarur bole. Jab bhi employer milestone create kar deta hai to job ki payment employer ke account se cut hokar freelancing website ke pass secure ho jati hai. Or employer wo payment wapis nahi le sakta, jisse apko 100% apki payment mil jati hai.

Get Money in your Bank:

In sabhi freelance websites se aap sidhe apne bank me money transfer kar skate hain. Jab aap job complete karte hain to employer milestone ko release kar deta hai. Uske baad apke freelancing website account me wo payment credit ho jati hai. Ab aap us payment ko apne bank me direct transfer kar sakte hain.

Agar wo payment dollers me ya fir kisi or currency me hai or agar aap INDIA se belog karte hain to apke bank account me INR ( Indian Rupees ) me credit hogi.

Note: Agar aap dollers currency apne freelancing account se bank me transfer karte hain to apko currency conversion fee cut hone ke baad apke bank account me mil jate hain.

Example: Maan lijiye ki apke account me $100 dollers hain. or 1 doller ki value 65 rupees hai. Ab total amount 6500 rupees hai lekin apko inme se 6000 ke as pas milenge.

ye sabhi freelacing websites world ki top websites hain, or in website se aap acche paise kama sakte hai.

Agar apka koi sawal hai to aap comment box me jarur likhe. Or apko ye information kaisi lagi ye jarur bataye.

Jarur Padhe:

Please SHARE THIS POST WITH YOUR FRIENDS.

Rashvinder
Hi, Welcome to our blog Star Hindi Tech. I am professional Blogger, Youtuber, Digital Marketer & Entrepreneur. I love doing work which makes me happy, that’s why I love blogging and Youtubing. You will love exploring educational stuff on our blog in the Hindi Language. Thank You! :)

One Reply to “freelance websites se online kaise paise kamaye?

Leave a Reply

Your email address will not be published. Required fields are marked *